أبيك تذكرني لي صرت تعبان،
ترمي لي الحمل الثقيل واضمه..
ابي اكون النوم لاصرت نعسان،،
وحضن الحنان لقلب مشتاق لأمه..
أنا قلبي لك حيــــل ولهان،،
شوق "اليتيم" اللي فقد من يلمه..
.•:*'*:•. .•:*'*:•.
معقول ما حسيت
مثلي ولا عانيت معقول
ما فكرت لجلك أنا شسويت
أرخصت لك دمعي أضويت لك شمعي
وإنت ولا حسيت
نسيت أصحابي وأبعدت عن أحبابي
حزني عليك أكبر من همي وعتابي
خليتني بدربك حاير مع حبك
حلفتك بربك ما إشتقت لي وحنيت؟؟
.•:*'*:•. .•:*'*:•.
من كثر ماأحبك وصلت لحالة الإدمان!!
إدمان صوتك وشوفك وطاريك..
العفو ماأحبك،،،
أنا فيـــك هيمـــــــــــان!!
يعني:
أحبك..
وأعشقك..
وحيــــل أغليك..
تدري إذا غبت عني شيصير يافلان؟؟
ينشغل بالي وأفكر وأحاتيك...
.•:*'*:•. .•:*'*:•.
أحتاجلك لا ضيق الوقت صدري
أبيك تمسح عن عيوني شقاها
وأحتاجلك إذا الفرح ضم فجري
ودي تحس بفرحتي ياهناها
أبيك تسأل عن حياتي وتدري
عن ضحكة أيامي ووافي عناها
أحتاجلك في كل لحظه بعمري
لاصرت روحي كيف أحيا بلاها
.•:*'*:•. .•:*'*:•.
عجزت أخفي مشاعر حب،
عجزت أوصف مدى الاعجاب ..
عجز قلبي يفسرلي ..
إحساس الوله فيني ،،
فضحني الشوق .. شوق القلب ،
أشوفه بكل عيون الاحباب ..
شوق يحركه خلي ..
إذا لحظة يخليني ،،
.•:*'*:•. .•:*'*:•.
وتسألني عن أخباري ؟!!
كانك مادريت اش صار ..
وكانك مب سبب ناري
وجرحي وهمي والتذكار ..
غدى جرح الزمن جاري
يمر قلبي بكل نهار ..
ويصب جروحه في بحري
ويوقعلي أنا الغدار ..
.•:*'*:•. .•:*'*:•.
بحاول أنسى كل الهم وبتناسى بعد الجـراح
بأصبر نفسي عالغربة كثر ما أقـدر اتصبـر
إذا ثلث الطموح عناد وثلثينه صبر وإلحـاح
بأجبر خاطر آمالي واحـاول أكثـر و أكثـر
وإذا بعض الألم باقي ترى بعض الأمل ماراح
وكل ما قلت ما أقدر بأعاندني وأقـول أقـدر
.•:*'*:•. .•:*'*:•.
ظنيت ترسل بس شفتكـ تأخرت
والقلب عيا ما تحمل غيابك
مجبور اسامح لو اشوفكـ تغيرت
وان جيتني لا أصيح وأصرخ " هــلا بك
رد الجواب وحاكني وش قررت..؟
نرجع سوى او تستمر في غياابك
.•:*'*:•. .•:*'*:•.
تسمـع اذا قالوا
رفيــق دربي
اخو دنيــــاي
اغلى ناسي
انت ولا واحد منهم..!
انت اللي اعجـز أسميك
إذا سألوني من تكون
احتار كيف اشرح ..؟!
بسمتك .. كلامكـ .. وقلبكـ الحنون
ودي بس وشلون يفهمون..!!
إنكـ اغــلا من غلا هالكـــون .....
.•:*'*:•. .•:*'*:•.
يا صاحب الجوال وش فيك سجيت حتى الرسايل تبخل بها اليوم عني
كان السبب مني انــــا وش سويت مذكر بدر مني خطــأ يبــعدكـ عني
وان كان السبب دنيـاك وفيها تلهيت الله يتــــمم لكـ ويعلكـ دوم متهني
.•:*'*:•. .•:*'*:•.
كل الاماكن " وطن " وعيونك " المنفى " وأنا غريب لقى في عيونـــــكـ ديارهـ
يا ســــاكن القـــلب خذني للوجع تكفى مادام ذنبي كبير اكبـــــر من اعذارهـ
البـــــــرد موحش دخيلكـ بس كيف ادفى واعصاب جرحي من التأنيب منهارهـ
ادري مقــصـــر لأنـــــــــــكـ دايـــم الاوفـى لأنكـ إنســـــان فعلاً " صعب تكراره "
.•:*'*:•. .•:*'*:•.
سولف سواليفكـ بها ريحة
الهيل...
عطر بها كل الاحاسيس
فيني،،،
سولف بسمعكـ لآخر
الليل...
وانعس على صوت يداعب
حنيني،،،
سولف على ودي اغيض
الفناجيل...
واقول هذا الهيل مني
وفيني،،،
.•:*'*:•. .•:*'*:•.
اصبحكـ وما انسى غلاكـ...
اصبحكـ وتشرق الفرحة بشوفتكـ...
اصبحكـ بماي الورد وطيبة شذاكـ...
يا صباح الخير،،،،
" عسى الدنيا وما فيها فداكـ "
.•:*'*:•. .•:*'*:•.
تفتحت الورود ..
وتساقطت قطرات المطر ،،
على جبين الاوراق ..
وتتابعت خيوط الشمس بالبزوغ ..
لتنشر الدفء في ارجاء الكون ،،
وبدأت العصافير بعزف اجمل المقطوعات ..
حينها علمت إنك استيقظت ،،
فأجمل صباح لأطيب قلب ...
.•:*'*:•. .•:*'*:•.
محلا الصباح وطلعت النور يا نور
يشبه من الوانه ملامح سجاياكـ
والطير يتغنى بالألحان مسرور
ويشدو بمعزوفه ويرقص لروياكـ
والنفس اللي صابها ضيق وكدور
ينزاح همه لو تخايل محياكـ
" صباح النور والسرور "
.•:*'*:•. .•:*'*:•.
مشتاق لكـ شوقن تعدى المجرات
شوقن سلب مني " لذة منامي "
شوقن لو أعده على سبع لهجات
تعجز حروف الشعر تترجم اشتياقي
.•:*'*:•. .•:*'*:•.
ابي قلبك لي وطن
دايم اشتاق لترابه
وأبيكـ في قلبي زمن
ابد ما ينتهي حسابه
.•:*'*:•. .•:*'*:•.
لكـ وحشتن بالصدر تلعب
بالاضلاع
من كودها حتى الدموع
سمعتها
زفرة ونين الشوق في قلب
ملتاع
دارت على كل الضلوع
وشكتها
وتغيرت بسبابه كل
الاوضاع
حتى دموع العين مثلي
بكتها
.•:*'*:•. .•:*'*:•.
همس الوفا باقي مع النبض والصوت
لو غبــــت يبقى لكـ ضمير الوفا حي
بين الرجــــــا والياس والحلم والموت
وبين الفرح والحزن والشمس والفي
اشتاق لكـ شوق عظيــــــم ومكبوت
شوق الضرير اللي تعانق مع الضي
.•:*'*:•. .•:*'*:•.
مهمـــا نواجـه من فـــراق وصعـايب
نبقى على عهد الاخوه والاصحاب
ومهما نشوف من الزمــان العجايب
تبقى الصداقه بيننا ضـــد الاصعاب
هذا كــــلامي بالرخـــا والكــــــرايب
منساك لين ينحـط من فوقي تراب
.•:*'*:•. .•:*'*:•.
تحياتي
فجورة
13-Nov-2007, 02:28 AM
مواضيع جديدة في قسم عالم الاتصالات 
العرض العادي
