بتروحون البر و تبين عشا لذيذ شوفي دجاجتنا المحشية بطريقة روعة

&&قمر الرياض&& · 09-Dec-2007, 04:54 AM


	مع موسم الشتا تكثر الطلعات للبرو تحلى الاكلاات هناك و عشان كذا جبت لكم طريقة روووووعة للدجاج المحشي و المشوي اول : شي شبو الضو (حطو الحطب الكبير و ولعو النار) بس انتبهو انكم تكونون بعيد عن اي شي ممكن يسبب اشتعال النار مثل الزيت و البترول و السيارات و الخيام و الحشائش و الشجار اليابسة و انتو انتبهو حق اي شي ثاني ثانيا : المقادير دجاجتين يفضل ما يكونون باردين اي تغسلون الدجاج في ماء دافئ قليلا عشان النضج بعدين بصل مقطع قطع متوسطة زيت شوية طماطم مقطع قطع متوسطة (اذا تبين حطي فلفل كبير او ذا حابة فلفل حار صغير) كركم _ شوية بهارات دجاج او مخلوطة عادي ما تفرق_ ملح 4-5 راقات من القصدير عشان لف الدجاج الطريقة: 1- بعد ما تغسلين الدجاج بالماي الدافي اخلطي: البصل و الطماطم و البهارات و الكركم و الملح و الزيت 2-احشي الدجاج بهم و بهري الدجاج بنفس البهارات اللي حطيتيها في الخلطة 3-لفي الدجاج من 4-5 لفات بالقصدير واتركيها لحد ما يصير الحطب جمر 4-سوي حفرة في الجمر و حطي فيها الدجاج و غطيها بالجمر بعد 5-خليها لمدة ساعة الى ساعة و ربع و كل ما خليتيها وقت اطول كل ما ضمنتي النضج التام لها الحين... طلعي علبة حمص مهروس و اعصري ليمون شوي و اهرسي ثوم (حسب الرغبة) و اخلطيهم وعقب ما تخلص الدجاجة ... افتحي القصدير.. و طلعي لج الخبز (بتاكلونها من غير خبز انا ادري) وسخنيه عالجمر وحطي الحمص وطلعي عصير ابو نص وبالهنا و الشفا

سُــلاف · 14-Jan-2008, 05:29 PM

بصراااحه تشهي بس من يطلع الحين عندناا برد مو طبيعي .. مايقدر الوااحد يطلع ابد

مشكورة عيني قمرهم على الوصفه الرائعه ..

لاعدمنا جديدك

دمت بحب

&&قمر الرياض&& · 21-Jan-2008, 04:02 PM

الله يسلمك حبيبتى


الرئيسية	مركز التحميل	المدونات	راسلنا	دليل المواقع	القرآن الكريم	الخريطة	اضفنا للمفضلة	الاعلانات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

بتروحون البر و تبين عشا لذيذ شوفي دجاجتنا المحشية بطريقة روعة

مطبخك سيدتي