أنا اللي قلت في نفسي .. احبك.. وابتدى التمثيل
بديت اكذب على نفسي .. و اقول انك نظر عيني
خطاك انك تصدقني .. تبادلني الهوى و تميل
صدقت بكل اشواقك .. وكاذب كل ما فيني
خدعني واهم إحساسي .. بلا غاية ولا تحليل
ظلمتك يوم جاريته .. أجامل .. و انت تعطيني
لقيتك غارق بحبي .. ولا لي للأمر تبديل
حرام أحطم احلامٍ .. بناها الحب .. بيديني
وسايرتك ..على كيفك .. لقيت القلب حبّك حيل
وفجأة صرت لي نبضي .. سكنت أقصى عناويني
ولا فكّرت في جرحك .. ولا ودي تذوق الويل
ولا حبيت نتفارق .. وعينك يوم تبكيني
ولكن بانت الكذبة .. وعزّم قلبي التعديل
تنبّه بعد ما فات الأوان .. ومرّت سنيني
علينا دارت اللعبة .. مثل دورة نهار و ليل
تحب وكنت انا لاهي .. عشقتك و انت جافيني
خلاص الحزن ما ينفع .. تبادلنا الهوى تمثيل
خسارة صرت أنا أحبك .. و انت اللي تجاريني
ملطوووووش 
اتمنىى تعجبكم :o
02-Sep-2007, 03:38 PM
أنا اللي قلت في نفسي..أحبك..وابتدى التمثيل
مواضيع جديدة في قسم سحر البيان - منتدى الشعر - poem forum 
العرض العادي
