البارحة وردني تالي الليل جوال..وأنا على شاهي وبسكوت ديــمة

سلطانوٍوٍ · 26-Sep-2007, 03:28 PM

السلام عليكم ورحمة الله وبركآآته

قصيده منقوله عجبتني أقرؤها كاملة أتمنى أن تنال على إعجابكم

--------------------------------------------------------------------

البارحة جاني مـن الحـب مرسـال
.........من عقب ما بينه وبيني خصيمه

وانا ترى في الحـب مانيـب فعّـال
..........ولا بعـد ولّـع بقلبـي هشيـمـه

ولا بعد غنّيت فـي ساعـة وصـال
..........ولا بعد ذقـت الفـراق وجحيمـه

ولا جرى دمعي على الخـد همّـال
..........ولابعـد جربـت مــرّ الهزيـمـة

حتى وردنـي تالـي الليـل جـوال
..........وانا على شاهي وبسكـوت ديمـة

الرقم بايخ لكـن الصـوت قتـال
..........كنه مثل صـوت المذيعـة حليمـة

قالت مساء الخير يـا طيّـب الفـال
..........قلـت ارحبـي ترحيبـةٍ مستديمـة

بالعود والصفـري ودلـة وفنجـال
..........واجبك يا بنت الأصـول الكريمـة

ردت بضحكة ثم قالت وش الحـال؟
..........قلت اشهد إن الحال عقبك سقيمـة

قالت وهي تضحك بعد مثل الأطفال
..........وانـا بعـد كنـي بدونـك يتيمـة

من يـوم قالتهـا تزلزلـت زلـزال
..........من فجعتي كنـي مسـوي جريمـة

قلت ارفعي صوتك ترى مابه ارسال
..........كـذاب لكـنّ المصيبـة عظيمـة

قالت أقول اسمع ترى هرجنـا طـال
..........ممكـن تصاحبنـي ترانـي وسيمـة

واسمي الحقيقي أول حروفـه الـدال
..........لكـن يسمّونـي البنـات الزعيمـة

صحيح أحب الفخفخة واعشق المال
..........لكـن ترانـي طاهـرة مستقيـمـة

ما عندي امغازل ولا (لعب يهّـال)
..........ما عندي إلا في الشرف والحشيمـة

بس الصراحة قلبي لشوفتـك مـال
..........واصبحت وحدك جالسٍ في صميمه

فكّر بعقلك واترك القيـل والقـال
..........واحذر تطيع اهل العقـول العقيمـة

وارسل علي الحين خمسميـة ريـال
..........أشحن بهـا جـوال أختـي غنيمـة

أو طقم غالي فيه خاتـم وسلسـال
..........أروح بـه فـي عـرس ولاّ عزيمـة

قلت الحقيقة مانيب رجـل أعمـال
..........ولانـي بتاجـر والمـوارد عديـمـة

أنا الصراحة شبـه عطّـال بطّـال
..........وعلاقتـي بالفقـر جـداً حميـمـة

والراتب الله يرحم الحـال مـا زال
..........محـدود والمصـروف ربـي عليمـه

والدين بـالآلاف والبنـك شغّـال
..........ياكـل فلوسـي بالربـا والظليمـة

والسوق طايح والغلا ضيّـق البـال
..........والموت والله صايـر اكبـر غنيمـة

قالت تحمّل بـس والحمـل ينشـال
..........خلك شديد الباس صلـب العزيمـة

ياخي تصرّف جعلك اتصيـر نشّـال
..........أهـم شـي إن النوايـا سليـمـة

لابد تفهمني علـى كـل الأحـوال
..........ما دمت من أهل العقـول الفهيمـة

قلت إيه والله فاهم اللي على البـال
..........لكن تـرى هـذي علينـا قديمـة

يا بنت هـذا صايـر اليـوم مـوال
..........للي تبي تلعب علـى ابـن اللئيمـة

يا بنت ما تدرين كـم فيـه محتـال
..........يلعب على الحبلين وانتـي غشيمـة

يا بنت كم من جاهلة دمعها سـال
..........من عقب ما جات العواقب وخيمـة

والبنت لا اقفى عرضها بيد الأنـذال
..........والله مـا يبقـى لهـا أي قيـمـة

قالت تبي ولاّ فخلّك علـى جـال << ما فهمت البيت هذا أنا
..........مهوب ناقصـي نصايـح حكيمـة

عز الله إنك للأسف منـت رجّـال
..........وانك قليل الذوق ما فيـك شيمـة

يا لعنبو اللي مـا يسطّـرك بنعـال
..........حتـى يعلمـك الغـزل يـا بهيمـة

( تفو ) عليك وصكّت الخط في الحال
.........مدري ( تفو ) هي مدح ولاّ شتيمـة

تحيااتي

راقى النخلة يخرف · 26-Sep-2007, 03:40 PM

صصصصصصح السانك على النقل
وصح السان الشااعر

سلطانوٍوٍ · 26-Sep-2007, 03:42 PM

صح بدنك يا الغالي

أسعدني مرورك العطر

دمت بخير يا الغالي

الـــشـــهـــد · 27-Sep-2007, 02:01 AM

اقتباس:

قالت تبي ولاّ فخلّك علـى جـال << ما فهمت البيت هذا أنا
..........مهوب ناقصـي نصايـح حكيمـة

يعني خلك على جنب ...( اصفط يالحبيب على جنب ) او توكل

<<< مسويه فاهمه بس ان شاء الله فهمت عليها سلطانوو

سلطاااااااااااان..

اموووت واعرف وين تحصل هالقصاااائد الراااااااااااااائعه وربي اختيارك ذوووق وهذا يدل

على ذووووقك الحلوووو

دمت ودام لنا ذووقك..

الـــشـــهــــد

سلطانوٍوٍ · 27-Sep-2007, 05:36 AM

ما كان يخطر في بالي أنها أصفط على جنب

وصلت المعلومه يا الشهد ثانكس

القصائد وأنا أخوك أبحري في عالم الإنترنت والمنتديات وإن شاء الله تلاقين أحسن بعد

تحيااتي لك أسعدني مرورك كثير

هتـــ الغيم ــانة · 27-Sep-2007, 06:54 AM

يعطيك العافيه سلطانو.........اختيار رايق

ويالبا قلبه الي جالس على شاهي وبسكوت ديمه;)

اجل دامه كذا.......اموره طيبه ان شاء الله:p

يسلمو غلاي ...ولاعدمناك

سلطانوٍوٍ · 27-Sep-2007, 06:58 AM

يسلمك ربي يا الغالية ومثل منتي عارفة البسكوت ديمة مفيد وزين

وبصرآآىحه أنا من اللي أحب هالبسكوت

تحيااتي ;)

هتـــ الغيم ــانة · 27-Sep-2007, 07:03 AM

الله يعطيك خير هالبسكوت

حتى انا والله احبه بس هالايام صوم ونحاول ناكل شي مفيده ومغذي ومايسمن

البيض كله بروتين لذيذ

المشاعر · 27-Sep-2007, 07:37 AM

اما بسكوت ديمه وشاهي يا حليله ومزاجه ههههههههههه

احسنت الاختيار سلطوون يعطيك العافيه

ســاري ليـــل · 27-Sep-2007, 07:38 AM

قالت تبي ولاّ فخلّك علـى جـال << ما فهمت البيت هذا أنا
..........مهوب ناقصـي نصايـح حكيمـة

ههههههههههههههههههههههههههههههههههههههه
ههههههههههههههههههههههههههههههههههه

هذي ماعندها وقت ابد

اذا تبي و الا اقلب وجهك

يعطيك الف عاافيه خيووو

وصح لساان شاعرها و تسلم يمنااك يالغالي

..


الرئيسية	مركز التحميل	المدونات	راسلنا	دليل المواقع	القرآن الكريم	الخريطة	اضفنا للمفضلة	الاعلانات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

البارحة وردني تالي الليل جوال..وأنا على شاهي وبسكوت ديــمة

سحر البيان - منتدى الشعر - poem forum