الموضوع: رواية خذني بقايا جروح

(الملخص)

(قال لها والغضب باين عليه....لاتضنين يابنت الناس انك انتي ممكن تكونين المره الي تمنيتها في يوم من الايام انتي مجرد انسانه تافهه وقحه ولعابه وراح تكونين خدامه مو زوجه وحطي هالكلام حلقه في وذنك انا طلاق مااطلق...واشر عليها بأصبعه...وعيونه تنطق كره...مو عشانك عشان انا وعدت ابوك الله يرحمه...وسكت كأنه كاره للكلام الي يقوله...ومو الوليد بن محمد الي يخلف وعده....وقبل لا يطلع ناظرها باستحقاروصفق الباب وراه.......كانت تناظر اركان الغرفه والدموع غاشيه عيونها...آآآآآآآآه يالوليد وش كثر اكرهك......آآآآآآآآآآآ آه ليه يايبه تسوي كيذى...دفنتني بالحيا...يبه الله يسامحك....حطت يدها على قلبها وهي تحس بألم...مو اي الم...لا لاتنهارين ...انتي اقوى من كيذى...)

راح نبدا بشخصيات القصه
(عائلة الوليد بن محمد العويضه)
الجده..امي نوره
الجد..متوفي
الاولاد(محمد,عبد الكريم,عبدالله,حصه,سار ه,حنان)
عائلة محمد( ابو الوليد)
ام سلطان الزوجه الثانيه...بعد طلاق ام الوليد
الوليد34سنه (من طليقته سنا)
سلطان27سنه
رنا25سنه
سمر18سنه
عائلةعبدالكريم(ابوسعود )
ام سعود
سعود29سنه
صالح26
رانيا23(متزوجه ولد عمها عبدالله)
عائلةعبدالله(ابوخالد)
ام خالد
خالد26(زوج رانيا)
ابتسام22سنه
رهف16سنه
عائلة ابو محمد..زوج حصه
ام محمد
محمد18سنه
رازان16سنه
اما ساره..ماتزوجت..من بعد وفاة زوجها..وتحضر الدكتوراه
وحنان بالجامعه تدرس
عائلة(ابوطلال)زوج ام الوليد
امالوليد
طلال29سنه
بسمه23سنه
اشواق20سنه
عائلة محمدالعارضي(ابو سعد)
ام سعد متوفيه
غاده(ام ناصر)الزوجه الثانيه
سعد27سنه
نجلا18سنه
ناصر4سنين
والبقيه تتعرفون عليهم من خلال الاحداث..
(الجزء الاول)

قال بهيام مبالغ فيه..وحب مصطنع"وانا اقدر استغنى عنك...ياروحي انا احبك..تفهمين وش معنى احبك يعني مااقدر اعيش حياتي من دونك"
كان حاط رجل على رجل وقاعد على كرسي في مكتب باين عليه الفخامه بدايه من الديكورات والاثاث المكتبي الفخم وكان واضح انه ولد عز
وقال يرد"انشاءالله في القريب العاجل بس عندي طلب"وسكت يسمع الرد من الطرف الثاني..وما انتبه ان فيه طرف ثالث يسمع كلامه.. وقال"ودي اشوفك مره ثانيه..تكفين ياعمري..ماارتويت من شوفتك المره الي فاتت"وفجأه وبدون إنذار سمع صفقة باب من وراه والتفت..من هول الصدمه سكر الجوال وارتبش وبان عليه الخوف ولو انه يحاول يخفيه ..اكيد لازم يخاف لان الي كان موجود الوليد اخوه الكبير..الي جاهم من بعد عمر ومسك كل امورهم الصغيره والكبيره
قال الوليد وهو معصب وماسك نفسه..مايبي يغلط على اخوه من تصرفاته المستهتره"انت وش قاعد تسوي على هالصبح.."رد سلطان وكأنه يحاول يخلي الموضوع عادي"ايش فيه يالوليدواحد ويكلم خطيبته فيها شي"
الوليد"ايش؟؟؟؟؟"قالها باستنكاروكمل"تكلم مين؟"
قال سلطان"عادي ياخوي اصلا انا اعرفها قبل لاخطبها ولا على بالك اتفاجأ فيها لادخلت عليها ؟؟؟!!!!!!"
قال الوليد وهو يحاول يحافظ على هدوئه"سلطان لما اكلمك ..ترد علي بجديه مو تتمهزا..انت فاهم ؟؟..وبعدين انت ماتخاف من الله الي تسويه مايجوز..ووشلون تاخذ بنت كلمتك..احنا وين عايشين"
رد سلطان وهو يقول في خاطره ياربي وش يفكنا منه..
"اصلا انا واثق ثقه عميا ان مدامتي المستقبليه...شريفه ميه ميه..لاني..."صرخ الوليد"بس انت ماتستحي..وكمل وماقدر يمسك يده عن اخوه..انت بتجيب راسنا الارض..اسمع ياسلطان البنت هاذي كان ماتكون بنته..لاعاد تكلمها الين تملك عليها..وان سمعت او دريت انك اتصلت فيها او قابلتها والله مايحصلك خيرواناالوليد"
رفع سلطان عينه لخوه "فكني لو سمحت"نزل الوليد يده وعينه ماترمش..سلطان "بعدين هاذي حياتي ولا حياتك..لاجيت تتزوج سو الي تبي..وسكت وناظر اخوه نظره كريهه وكمل..ولاانت اصلا ماراح تتزوج..مين بتقبل..رجل عقيم..لا ويعرج بعد..ماراح يرضى فيك الا الاشكال الي عندي.."ماوعى الا علا كف احرق وجه من حرارته
الوليد وجهه كان يرعد من الزعل"لاتحسب اني مقدر اسكتك..واعيد تربيتك..من جديد..لا ياولد ابوي..سامحلك بكيفي ومزاجي..وصح حياتك مو حياتي وانا لما اتزوج راح آخذ بنت رجآل..وزي ماقلت لك البنت لاعاد تكلمها.."سلطان تراجع يوم حس ان اخوه وصل حده وممكن ينفذ تهديده..لانه عارف الوليد قول وفعل طلع بسرعه..وهو يقول في خاطره..والله تندم يالوليد..منين طلع لنا ذا..الله يهديك يبه لوانك مخليه في دنياه وفقره كان احسن..
كان الوليد هو اكبر عيال محمد العويضه رجل الاعمال المعروف ابو الوليد تزوج ام الوليد وماتم معها سنه ..طلقها وهي حامل..ومن كثر ماكان يبغضها نسها ونسى ضناه معها..قعد سبع سنين وتزوج ام سلطان سنتين بعدين حملت بسلطان اما الوليد مثل مانبذه ابوه نبذته امه وتزوجت ..كأنها تتناسى اي شي يربطها بالماضي..رباه جده وماقصر معاه لانه اعتبره ولده الي ماجابه..كانت ام الوليد هي البنت الوحيده ..رباه جده وساعده يوقف على حيله ..الين بنا نفسه بنفسه..وصارت له مكانته ومن ثقة جده فيه كتبله كل املاكه بيع وشرى قبل لايموت..وسار يشتغل بأسم مستعار في السوق ومايعرفه الا الي يتعامل معه من قريب..نرجع لسلطان وهو في السياره"والله حكم المال مال ابونا..وما كمل قطع عليه صوت الجوال..وابتسم"هلا وغلا بنور العين..لا مافي شي بس انقطع من عندي.. وقلت اكلم الحلو بعدين.."
في نفس الوقت*****في حي مختلف ..وناس مختلفين


كانت قاعده في غرفتها وتحديدا..منسدحه على سريرها..هي قايمه بس تتمطى على مايقلون(يعني كسلانه)التفتت تشوف الساعه..ياالله ياليتني اقدر اكمل نومتي..بستنى اذا نادتني ..غاده(مرت ابوها)بقوم
وشوي الا سمعت صوتها النشاز ..زي مايسميه سعد الله يذكره بالخير.."نجلا..نجللللل لللللللللللا ووجع انشالله"
نجلا"طيب ..طيب بغسل وانزل.."طلعت من الحمام وعلى طول نزلت تحت
نجلا"هاهخالتي وش تبين"
غاده "تخلخلت عظامك..يانجلوه"
نجلا"والله انا احترت وش تبيني اسميس..ان احترمنا و قلناخالتي ماعجب وان قلنا غاده ماعجب..وش تبين بالضبط"
غاده"اقول انثبري..بلا هذره زايده..جهزي الفطور..وطلعي لحم مفروم وسويلنا على الغدى كوسه محشي..وغسلي عبايتي..ولا تناظريني وتنحين..اذلفي سوي الي قلتلك"
راحت نجلا وام ناصر تناظرها بحسد وغيره وتحاكي خاطرها ..الله لو هالزين علي كان ماخذت ابوس هالفقران ..والله ماحصلها الا انتي يا نجلا بتاخذين ولد العزوالخير وبتعيشين..في نعمه..
انشالله يكون زي ماسمعت..
"ماااااااااما..ماااااا اااما"
غاده"طيب ..يانصوري ماما جايه..انجيله..بروح لناصر واجي واشوف الفطور قدامي"
نجلا وهي في المطبخ"يالله صباح خير البنات في بيت ابوهم معززات..وانا اقوم اكرف..بس معليه كلها كم شهر..وياخذني سلطان...آآآآآه ياسلطان"جهزت الفطور وحطته فب الصاله وراحت تاخذ عباية مرت ابوها تغسلها وهي في الحمام قاعده تعصر العبايه من الما عشان تحطها في النشافه..ماانتبهت لخوها الصغير نصوري
التفتت"ياالله وش جابك انت..الله يعينا على امك بتشرشحنا.."
نصوري"العب مويه"
نجلا ماتدري هي تضحك ولا تخاف..بلل نفسه بطشت الصابون والله يستروفيما كانت تبي تشيله الا ودخلت ام ناصر
ام ناصر"الله ياخذك يا انجيله..ياجعلي اشوف فيس يوم..يانجلا يابنت .."
صرخت نجلا"لا كلش ال امي ..معليه ياغاده انا ماانتبهت الا وهو في الطشت"
غاده لاولس عين تتكلمين..بعد الي سويتيه"دخلت تاخذ نصوري ودفتها وعشان الحمام كله صابون مطرطش من الطشت زلقت نجلا

نجلا"آآه"
غاده "احسن ياليتس تتكسرين عشان مايلقى فيس ولد الحسب شي..ويرميس"
نجلا ماقدرت تتحمل حقدها وكرهها ودعاها وقالت والعبره خانقتها
"حرام عليس انا وش سويت عشان هذا كله..ليه تكرهينا..اخوي وخليتي ابوي يطرده..و"ماتحملت وانهارت تصيح متى ياسلطان تاخذني....
غاده"بكيفي انا حره ..وتابعت انا اصلا ماحبيتس..وعقبال ماتطلعين وترجعين مهيونه"
نجلا من بين دموعها"ياالله وش كثر انتي حقوده......"وعت ويدها على خدها ..الم..والم من قوة الصفعه
غاده"اص ولا كلمه..لا تخليني اش النار بينس وبين ابوس لاجا..كملي شغلس واذلفي عن وجهي"خذت ناصر الي كان ماسك ببجامة نجلا ويصيح كأنه يعترض..وطلعت
اما نجلا عجزت تتحمل صفقت باب الحمام وركضت ركض غرفتها..وسكرت الباب عليها..
نجلا"هانت..هانت يانجلا الي خلاس تصبرين قبل يصبرس الحين.."رفعت يدها وتلمست خدها الاحمر وراحت للمرايه وشافت الاثر..عيونها تلاقت "لا يانجلا الي خلاس تصبرين اول راح الي كان يمسح دموعس راح وماتدرين وين اراضيه..سعد ..

رحلت ومن بقا وياي يحس بضحكتي وبكاي
حتى الجرح في بعدك يغزيني واهلي به
انا من لي بهالدنيا سواك ان طالت الغيبه
فقدتك يااعز الناس فقدت الحب والطيبه
رحلت ومن بقى وياي يحس بضحكتي وبكاي
وحتى الجرح في بعدك يغزيني واهلي به
انا من لي بهالدنيا سواك ان طالت الغيبه
فقداك يااعز الناس فقدت الحب والطيبه
رحلت ومن بقا وياي يحس بضحكتي وبكاي
حتى الجرح في بعدك يغزيني واهلي به
انا من لي بهالدنيا سواك ان طالت الغيبه



نجلا..مرت عليها ذكرى ذاك اليوم الي حرمها من ظهرها الي تشكيله..من ظلم مرت ابوها..حتى هو ماسلم..بس كان يطيب خاطرها..
حتى دراستها ماخلتها تكملها..
حرمها ابوها منها بسببها..
"تدري يبه ان الظلم حاصل وتسكت ..وتظلمنا واحنا عيالك..آآآه..يبه آههههه"
رنت الجرس..وفتح الباب ابوها..وسحبها من يدها..وسكر الباب فكت غطاها "وش فيه يبه"التفتت وشافت غاده وعرفت ان المشاكل جايه
ابوها معصب مسك شعرها وجرها"تعالي ياقليلة التربايه..صحيح ماعرفت اربي.."
نجلا"ليه هالكلام يبه..وش صار"
غاده "ولس عين بعد..ام حسن جارتنا..كلمتنا تتوذى وتقول ان السيارات يلاحقون باص المدرسه"وسكتت تشوف تعبير نجلا الي مازال مستنكر
نجلا"وانا وش دخلني..اروح في حالي واجي في حالي"
غاده "وش الي وش دخلس بنتها تقول انس تكشفين ومن تشوف السيارات طلتس البهيه..تأشرين لهم.."
نجلا"اص..اسكتي ولا كلمه زياده..واشرت بصبعها على نفسها..مو انا ..مو انا الي تسوي هالسواة..انااشرف من عشره من امثالس..ماوعت الا وكف حامي على خدها طيرها من مكانها التفتت وشافت ابوها جاي لها
"ليه ليه يبه..مسكت خدها والعبره تهزها هز..ليه تصدقها..ليه..هاذولا بنات الله يستر عليهم.."
ابوسعد"بس لاتكذبين"..كان يصارخ
غاده"بس ياحبيبي..لاتزعل نفسك..خلها تقعد بلاها المدرسه الي بتجيب لنا الكلام"
نجلا"انتي مالس دخل.."
جاها كف ثاني "وترادين قدامي"..ويضرب..ويضرب
نجلا"خلاص يبه ارحمني ارجاك ارحمني وموتني..بس لا تضربني وتهيني"بكت وبكت وهي تتلوى تحاول تتحاشى ضربات ابوها ..ابوها الي بغته عون وجاها فرعون..طاحت علا ركبها
نجلا"خلاص يبه "
الابدخلة سعد..ركض بسرعه وجا بينها وبين ابوه
سعد"تعوذ من ابليس يبه وش صار"
ابوسعد"وخر خلني اربيها..خلت الناس يتشمتون فينا ويجيبون سيرتنا"
سعد"التفت لاخته ..نجلا علميني وانا اخوس "
نجلا"ماسار ..ماسار ياخوي ..كل الكلام الي يقولونه كذب"عينه عليها اخته واقرب له من وريده وشريانه..هو الي عارفها وعارف ان الكلام مو صحيح من غير ما يسأل..
ابوسعد"نزلت راسي الارض وخر خلني اشفي غليلي..وصارخ..وخر اقولك"
سعد وهو يترجاه"علمني وش سوت"
ابو سعد"خلت الشباب يلحقون الباص وتسببت على بنات الناس..وتكذب بعد..ابعد.".وقام ابوه يدزه ويبعده من قدامه عشان يوصلها
سعد"لا يبه ..اختي مافي مثلها ..نجلا الشرف يقولها تعالي اقعدي مكاني"..حط عيونه في عين ابوه"صح انت ماربيتها يبه لكن انا ربيتها..ونجلا ماتسويها"وماقصر عطاه صفعه..خلخلت عظامه
سعد"يبه تضربني..مسك نفسه لايضعف قدام اخته..بس القلب فاض من كثر تجريحه..وكثر الدق يوجع..
غاده"اصلا انت مدلعها..وماخربها الاانت"
سعد"لاتدخلين"
كان يصارخ من حر مايوجع
ابوسعد"انا اضربك واكسر راسك يالي ماتستحي..وترد على خالتك قدامي..اطلع لاعاد اشوفك في بيتي"..قام يدفدف فيه
نجلا"لا لا يبه تكفى خله ..انا خلاص ماني رايحه المدرسه..بس لا يروح سعد..لاتخليه يروح"
ابوسعد"انطمي..ومو باختيارس غصبن عليس ماتروحين..وهالعاق بيطلع من بيتي..اقلبي وجهس..داخل وانت اطلع برا لا بارك الله في اليوم الي صرت فيه ولدي"والتقت عيونهم..وقف الزمن لحضات..وكل منهم يناجي الثاني

يانبضة القلب فزة خاطري
ياجرة الااااه باقصى ضامري
تمضي الليالي والزمن فينا يدور
ويبقى الشعور نفس الشعور
ياخوي ياعزوتي ياضحكتي وبكاي
يامن على فزعتي يمينه في ميناي
ياخوي يعزوتي ياضحكتي وبكاي
من لي سواك الي على كتاف ارتشي
لي خانني الوقت وخان فيني القهر

انت العضيد الي اشد فيه الظهر
ياخوي ياخوي ياخوي
نزلت عبرات نجلا وهلت دمعها وهي تشوف اخوها ومصبرها بيروح..
لاتحسبني في البعد بنسى غلاك 0000 لا والذي له النفس مردوده
دايم بوسط الليل بالحلم القاك 0000 وياما تمنيت الحلم تصدق شهوده
اخفي دموع العين لا حل طرياك 0000 فكري على ذكراك قلبي يقوده
قلباً يداريك ما ظن يخفاك 0000 قلباً بحبك يوم يثبت وجوده

اخشى عليك من القدر لا صرت وياك 0000 واخشى عليك من البشر ناس حسوده
اخذ بشورك وبمشي على ماطاك 0000 واصبر على قلباً يمل جهوده
يالله ان برجيك تمنح عطاياك 0000 ابشوف خلاً له النفس مشدوده
&&&&&&&&&&&&&&


تابع الجزء الاول
"رن.....رن.....رن"
غاده"الو"
ام حسن"السلام عليكم"
غاده"وعليكم السلام ورحمة الله..هلا ام حسن"
"ياكافي ..كل هذا عشان تردون..وينكم عن التليفون"
غاده"وينا يعني اكيد لاهيه مع هالعله الي عندي"
ام حسن"مين نجلا ؟؟الا قولي القمر الي عندي"
غاده"لاتحريني تراها واصله معي"
ام حسن"وش ذا كله وش سوت"
غاده"تحرني..تحرني كل شي تسويه يقهرني..."
ام حسن"والله ياغاده..بصراحه شكلس تغارين منها"
غاده"إيش..إيش...عيدي وش قلتي؟؟..انا اغار من هالزفت"
ام حسن"هههههههههههه طيب طيب ماتغارين"ام حسن تدري ان غاده ماتغار وبس الا تموت من الغيره..وكل الجيران عارفين بذا الشي..لان نجلا مو زينه وبس الاطيح الطير من السما.. طول وجسم وعود ريان وشعر ولون خمري لاسمار ولابياض..وعيون سم الله عليها..رموش من طولها معكوفه..ولا العين سبحان من رسم هالعين ..وساع ومكحوله..وعلا اسمها نجلا ..عيونها نجلا..والخشم سلة السيف..ورسمة الشفه.......وهذا كله..وهي صغيره..اجل لا كبرت..كم سنه وش بتسير....
غاده"ام حسن انتي معي ؟؟"
ام حسن"هههها ايه معس معس.."
غاده "لا والله منتي معي اقولس انا مغبونه انها بتاخذ ولد العويضه..وما تردين علي"
ام حسن"وسعي صدرس ياشيخه..والله انا من قبل قايلتن لس لو انكم معطينا ايها لولدي حسن والله انه زينة الشباب..وبعدين تراهم ناس كباريه يعني لا منكم ولافيكم"
غاده "هههههههههههه كان غيرس اشطرياحبيبتي"
ام حسن"ليه من الي عينه عليها بعد؟؟"
غاده"اخوي عادل"
ام حسن"الله يهديس اخوس هالشايب ماغيره..حرام عليكم كبير عليها؟؟!!"
غاده"العمر مايهم ..بعدين شوفيني هذاني ماخذه ابوها وش فيها احسن مني ؟؟"ام حسن في خاطرها..وش جاب القمر للبغل.....
ام حسن "طب انتي شوفي يمكن ابوها يغير رايه"
غاده باستنكار"ههههههههههههه هههههه.."
ام حسن "وش فيس انا قلت شي يضحك"
غاده"ياعيوني ابوها وده انه يزوجها له اليوم قبل بكره..علا كلامه ..والي احسه..انه ماصدق يوم قال ابوسلطان..ترى نجلا لسلطان..انا ماقلتلس عن هالسالفه..؟؟"
ام حسن"لاوالله اتحفيني"
غاده "اجل اسمعي ياطويلة العمر هما رجلي ..كان يشتغل عندهم..من تزوج ام المقروده..وضروفه علا قده ..وام المقروده الي ماتتسمى حملت وجابت سويد الوجه سعيدان..والدكاتره منعوها من الحمل مره ثانيه..لانه خطر عليها..وتحسبينها سمعت الكلام ..عنيده والزفت الي عندي طالعه عليها..وبعد 10سنين..حملت مره ثانيه..وزي ماقالو الدكاتره المره هاذي ماراح يقدرون..يلحقونها او يسون لها شي..اذا مانزلته من بطنها..وهي عيت وعصت ابوسعد واصرت يتم الحمل..ويوم جا وقت الولاده ..طبا ودها مستشفى اليمامه..وتعبت وجاها نزيف قوي ..وابتلش فيها ابو سعد يابعدي..ونصى ابو سلطان ..وابو سلطان ماقصر وقف معه لين جت المقروده وقال ابو سعد هاذي بنتك انت الي سمها ..وسماها ..ياربيه مابي انطق اسمها.."
ام حسن منسجمه "كملي لا تقطعين وبعدين"
"ولا قبلين استمر النزيف..وعيا يوقف ونقلها ابو سلطان لمستشفى خاص.. بس ماعاد ينفع لان جاها تسمم وماتت.."
ام حسن "والله قطعتي قلبي "
غاده"تكفين.!!.عاد عن الافلام الهنديه...؟؟"
ام حسن "ليه الواحد مايحس؟؟"
"اقول بس خلني اكمل ..ومرت الايام وبو سلطان كل ماشافها قال هاذي مرت ولدي سلطان..وإلى يومس..ماتم شي.."
ام حسن "طيب ليه ابو سعد ماتزوج عقبها علا طول؟؟"
غاده "بحل بهاالعلل..وسمعت انه كان يموت بالحيه الرقطا.."
ام حسن "مايجوز ..تراها ميته والميت يترحم عليه مو ينسب"
"غاده"الله يرحمها لولا موتها ماخذت زين الحلايا "
ام حسن "انتي ماينفع فيس"
غاده"ينفع ولا ماينفع..هذا انا غصب عني ماحب طاريهم لا هم ولا امهم"
ام حسن "بس الي سمعته عن ولدهم مايسر"
غاده بفرحه "ليه بشري ؟؟"
ام حسن"الله يرجس..اقولس مايسر تقولين بشري"
غاده"يوووووووووه كملي تكفين وش الي مايسر؟؟"في سرها ودها يتأكد الكلام الي وصلها من اخوها عادل
ام حسن"يقولون الولد لعاب وراعي بنات وكل منكر يذكر سواه والعياذ بالله..لا وراعي سفر بعد"
غاده "وهذا الشي الوحيد الي راح يعزيني..بعدين بصراحه..نجيلوه ماتليق لهم ياختي هم هاي وهي فقرانه..ماحيلتها الا هالزين ..وحلاة الثوب رقعته منه وفيه وزي ماتقولين..ماهم من ثوبنا.....ومستحيل تقدر تجاريهم..وانشالله..انش الله..ترجع مهيونه....عشان اعرف اكسر راسها مو الحين.....ياحضي.. علا كثر مااسوي عشان اقهرها احس انها تتحمل عشانها بتاخذ ولد العويضه....لكن خلها تنصدم فيه"قطع عليهم صوت الجرس
غاده "مدري منذا الي جاينا في هالوقت ؟"
ام حسن "ييووووه نسيت اقولس هاذي شغالتي توها توصلكم الله يغربل بليسها..تكفين يام ناصر ارسليلي معها حبتين طماط..كان ماعليس كلافه"
غاده" ابشري.."
ام حسن "يالله اجل خذتنا السوالف مااطول عليس"
غاده "مع السلامه ولا تنسين الوعد اليوم عند ام سليمان"
ام حسن"لا انشالله مانيب ناسيه"
غاده"نجلا ...نجيلووووووووه.....ا نزلي ..انزلت عليس طابوقه..تكتم انفاسس"
قاعده في زاويه علا سريرها وثانيه رجولها ..وذقنها علا ركبها..تمسح دموعها الي عيت تجف..سمعت الصراخ وجرت رجلها وطلعت عاالحمام تغسل وجهها
غاده"ياااااااااازفت الي فوق .......بتنزلين ولا اجي اجرس من شعرس.."
بصوت مكتوم "طيب خلا ص سمعت"....انزلي يانجلا واتقي شرها...الله يذكر ايامك بالخير ياخوي ياترى وينك فيه؟؟؟؟؟؟ويجيبك..ياسلط ان وتخلصني من هالغلب الي انا عايشه فيه.....
سلطان"لا..لا...ماراح ارضى الا لما اشوفك مره ثانيه...فكري يا عمري ....وكلميني....بآآآآآآ آي"
سكر الجوال وطفى محركات سيارتهBMW2007
لانه كان واقف عند( ستار بكس كافيه)
احمد"هلا ..هلا وين الناس صيفت"
سلطان"ياحبيبي انا ماني فاضيلك.."
احمد"افا..افا..عليك الحين تستغنى عنا ؟؟ولا من لقى احبابه نسى اصحابه.."
سلطان"ايوووه انت قلتها لاهي مع حببيبة البي"
احمد"ههههههههه ياخي ماشبعت من اللعب تراك خاطب.."
سلطان"عادي ....يعني انت تضن..اني بتغير واكسر خاطر حبيبتي.......لا مخطي"
احمد"ايه ايه ..ماعليه بكره لاعرست يتغير كلامك"
سلطان"لا ياحبيبي لسه ماخلقت الي تمشي سلطان علا كيفها"
احمد"ويوم انك عارف نفسك ليه تظلم بنت الناس معك.."
سلطان باستعلاء "اظلمها؟؟؟؟؟؟؟تحمد ربها ليل ونهار.. مين يحصلها تاخذ ولد محمد العويضه..وابوها ..حتى لو اعيشها في زريبه..راضي"
احمد"علا سالفة عيال العويضه..اخبار اخوك الجديد"
سلطان "اسكت اسكت تلاقطت انا والوليد..ونشبلي .."
احمد"وبعدين"
سلطان"ولا قبلين..طنشته ..كالعاده..وقفلها سيره الله يرضى عليك..لاتسد نفسي اكثر من كيذا خلني اطلب"
احمد"ههههههههههههه ماقصرت فطرت علا صوت حبيبتك"
سلطان"ييييييييييييييال بى حبيبتي..خلني اوريك ايها مير"
ناول سلطان احمد.. جوالهNOKIA..73..ونادى القرصون..وطلب..
احمد"ول ول عليك ياسلطان..وين تحصل هالاشكال"
سلطان"ههههههه...قول ماشالله مالت عليك..وبعدين شوف انت تتكلم مع مين..انا سلطان والاجر علا الله"
سلطان مره مغرور بزينه..ومايلام لانه كان ووووووسيم مرررررررره..طول ورزه وكل البنات الي يشوفونه يتهافتون عليه..وعلا العموم هاذي ميزة عيال العويضه
احمد"اقول بس..تراك زودتها..من جيت وانت انا وانا.."
اقبل عليهم واحد شكلهم وشاكلتهم...
نايف"اهلين بالشباب"
احمدوسلطان سوى"هلابك"
نايف يناظر سلطان"والله يالحبيب عندي لك علووووووووم"
سلطان"هههههههها وش عندك؟؟بتعرفني علا قمر؟؟؟؟؟"
نايف واحمد"هههههههههه"
نايف "لا جايبلك ..علوم عن اخوك الوليد!!"
سلطان بضيقه"اخيييييييييييييي ه..مالت عليك..علا بالك جايب الذيب من ذيله"
نايف"اخبار ماتتوقعها؟؟"
سلطان"وهالفقران يجي وراه اخبار"
نايف باستنكار واضح"فقراااااان..والله مافقران الاانت!!اخوك ياحبيبي..ملياردير"سكت نايف يبغى يشوف تأثير كلامه على سلطان...
سلطان"اييييييييييييش؟؟ ومنين انشالله..الظاهر انك خرفت"
نايف"والله انت المخرف ..تعرف محلاتRamasللالماس"
سلطان"وش دخل اخوي في الالماس"
نايف"وش دخل اخوك في الالماس؟؟؟؟؟؟؟؟ هاذي ملك اخوك يافارس زمانك"
سلطان مصدوم..
وكمل نايف"وتعرف شركات الجاسر الي ماليه البلد..وهينا ماعطى نايف سلطان فرصه يرد..هاذي لخوك ياعمي!!"
سلطان انقلب لونه من الحقد"انت متأكد..الوليد..عنده كل هذا..من وين؟؟
"نايف"لا..وازيدك.. من الشعر بيت...اخوك ياحبيبي.....يبيع ويشتري في الخيول الاصيله......وعنده مزرعه ...يرمح فيها...الخيل......لا.. والوالد..يقول,,,توه شاري...له مزرعه....في الرياض جهة الثمامه..."
نايف"عاد..منوين ؟؟؟..علمي علمك"
كل ذا ياالوليد..حقد سلطان علا اخوه اكثر..من اول..
احمد"سلطان..وشبلاك بلمت..؟؟"
مارد سلطان وقال لنايف"وانت منين جايب هالاخبار الي مثل وجهك"
نايف "هههههههههه اجل وجهي زين لهالدرجه"
سلطان عصب..وتنرفز"انا احرماعندي ابرد ماعندك"
نايف"خلاص لا تعصب ..هاذا ابوي الي قالي..لانه راح لشركتكم و شافه"
سلطان "وتوك..تقولي؟؟"
نايف"ابوي امس الي جاب طاريه...ويقول مايضيع حلالهم لامسكه الوليد"
زاد كرهي لك يالوليد.....بس... والله لااخليك تلعن اليوم الي سرت فيه اخوي...مو كفايه جيت وخذت كل شي ..بعد الناس ساروا يثنون عليك..ويشوفونك افضل مني في مسك حلالنا.
&&&&&&&&
في عالم ...ثاني...في الماضي الاليم...تاه بالذكريات.....

دق..دق
الوليد"ادخل"
يوسف"طال عمرك فيه برى رجال يبي يشوفك ..وعيى يعطيني اسمه"
الوليد"وليه عيى ماقلتله هذا النظام ومافيه أي استثناء"
يوسف"الاطال عمرك بس يقول المسأله شخصيه"
رفع الوليد راسه..مين..؟؟ياترى
الوليد"دخله بعد خمس دقايق"
يوسف"ابشر طال عمرك"
دقدق بالقلم علا طاولة مكتبه
دق ..دق
الوليد"تفضل"
ألي دخل كان رجال كبير بالسن..قام الوليد ..من مكانه..وراح يستقبله..الرجال يناظر الوليد ..نظرات..وعيونه مدمعه..استغرب الوليد
الوليد"تفضل..ياعمي آمرني"
الرجال..شفايفه تهتز.."انا..ا..ن..ا.."
الوليد"خير ياعمي..فيك شي ..تكلم انا في حسبة ولدك"
وكانت هالكلمه الي ماقدر الرجال يتحملها..
"انا..ابوك..يالولي د"
توقف الزمن ثواني..لحضات..وارخى الرجال راسه..والوليد..جسمه يرتجف ..معقوله ابوه الي تركه ..وعافه....ابوه الي حتى مايعرف..شكله..ابوه الي راح يدوره كم مره ومايمنعه..الاخوفه من النبذ العلني..
ابوه..الي نساه.... وش جابه الحين؟؟؟..وش ذكره فيه.؟؟؟

جرحي غويص ن ... ومااقدر اداويه
وقلبي صويب ن...من كثر الطعوني
الآريت الخناجر..من غريب ن واجافيه
الموت لاصارذباحي...قريب ن حبيبي
الوليد..الكلام الي ..كان دايما يحفظه عشان يقوله لما يشوف ابوه ..طار..تبخر ..رفع ابو الوليد راسه ..وعينه على ولده
ابوالوليد"سامح..ني..يا ابوك.."
الوليد"اسامحك؟؟..علا ايش ولا ايش..علا نبذك..ولانسيانك لي يابو سلطان...كان يقولها وهو يرتجف من الغضب..والكبت..حتى اسمي نبذته....!!!
ابوالوليد"انا اخ..طيت..يابوك..كنت طايش.."
الوليد بصوت اقرب للهمس"طايييييييييش ..يابو..وش يقول حتى لفضة ابوي الي عجز ينطقها لجده راشد الله يرحمه ماقدر ينطقها لبوه....
"ابوالوليد"ادري يابوك انا غلطان..وطالب منك السموحه.."
الوليد ..ماتحمل يشوف ابوه يتذلل..ولو انه زعلان ..الا ان المشاعر ..الي يكنها له في الخفى ماهيب كره..ابد..قام بسرعه ..وباس راس ابوه وقعد عند رجوله وباس يده
.الوليد"ماعاش من يغلطك..وانا راسي يشم الهوى يابوي........."ابوه مسك كتوفه ....وضمه ..
ابو الوليد"سامحني يابوك..والعبره تهزهه...سامحني.."
الوليدوهو مازال يرتجف من هول المفاجئه"محشوم..يابوي. ..محشوم"اخذ الوليد ابوه وطلع من الشركه..ومشاعره متضاربه..مايدري هي فرح ولا زعل..ولاخوف...
كان ساهي بوجه.....وجه ولده..إيه ولده.......كل قطعه منه تشبهه جاذبيته ..وسامته...هيبته..طوله وعرضه..ونظرة عيونه الي تصيب وماتخيب..بس..الشي الوحيد الي كان الوليد مايعرفه ان ابوه جا هم مره..وحاول يطالب فيه ..بس الشيخ..راشد الله يرحمه..رفض ..وقال له ان الوليد مايعرف في الوجود غيري ابو ..وكفايه الي سويته ..خل الولد في حاله........والله وكبرت يالوليد..وصار لك..اسم وصيت..حتى اسمه المتخفي به في عالم التجاره....ابوه كشفه....إييييييييييييه ...والله لعوضك..ياولدي..؟؟..... ....
هذا !!!!!!!!ولدي..ياترى يامحمد بتقدر تنسيه
الي سويته..
.ابوالوليد"يابوي ..مارديت علي..وش قلت"
الوليد"بس يبه انا عندي شغلي صعب اني اتركه..محد يقدر يدير شغلي مثلي"
ابوالوليد"انا يايبة محتاجلك..شركتي ..اهملتها..صحتي ماطمن...ومن اهملتها وهي في تدهور....فهم ابوه نظرة التساؤل الي في عينه ..وكمل ....وسلطان ولد مستهتر ..ماهوب راعي شغل ..واخاف اعطيه كل شي ويضيعه في غمضة عين...."
الوليدبفرح صادق"مشكور يابوي علا الثقه هاذي..وتبشر الي تبيه بيسير..بس..انت قلتلهم..عني.."
ابوالوليد"ايه يابوك..قلتلهم عن كل شي وقلتلهم انك بترجع معي بعد....."
الوليد.."خلاص يبه ابشر متى تبينا نرجع"
ابو الوليد"يابوك انا جاي بالسياره..مع سواقي الخاص ..لاني ماحب الطيارات وترفع ضغطي وانا مو ناقص"
الوليد"اجل ..كلنا بنرجع بالسياره.."
ابوالوليد"لاعادي ياولدي لو تبي بالطياره..ارجع انت فيها وانا مع السواق"
ناظر الوليدابوه بحنيه..وقال بثقته المعهوده.."الله يسامحك يبه ..تبيني اخليك وانا ماصدقت التم شملنا"
ابوالوليد......ايييييي ييييييييييه ولدي الي ماربيته ...رحمني وولدي الي صرفت عليه دم قلبي .....طعني....
مر اسبوع والوليد يحاول يرتب اموره وامور شغله الي بيخليه..وخلا اخوه طلال في مكانه لين مايرجع...
طلال"هاه متى نويتوا ياخوك"
الوليد"اليوم انشالله..ماوصيك..ياطلا ل.."
طلال"افا عليك يالوليد توصيني علا نفسي"
الوليد"ماتقصر..يالله بروح امر الوالد ونمشي ..تامر شي "
طلال" سلامتك"
كانو في السياره متوجهين طريق جده..الرياض
السائق عصام هو الي يسوق..سائق ابوه الخاص رجال طيب
عصام"عمي ابوسلطان شكلك تعبان.."
الوليد"ابوي ..ماودك ترجع ورى ترتاح.."
ابوالوليد"ايه ولله يابوك..ظهري اتعبني.."
الوليد بصوت آمر"اجل وقف ياعصام..خل الوالد يجلس ورى وانا بجي قدام"
عصام"ابشر طال عمرك"
وقف السياره ونزل عصام يفتح الباب لبو وليد..وتبادلو الاماكن....
باقي لهم..500كيلو ويوصلون..
الوليد"عصام ..لاتجيب العيد..لاحسيت بالنوم..علمني..."
عصام "ابشر طال عمرك ..انا قدها وقدود..وانشالله مايوص................. ......
فجأه..انحرفت السياره...عن مسارها......انفقع الكفر...تقلبت السياره....مره..وثنتين ....وثلاث
الوليد شريط حياته يمر قدام عيونه......طلاق ابوه وامه....نبذهم له...جده راشد......اخوه طلال......ابوه الي جاه من بعد انتظار.......آآآه يادنيا يوم بديت اعوض الي راح ....وانقطعت انفاسه.............واس بلت اجفانه....وآخر صوره في باله ......هي فرحته برجعة ابوه........مين بيذكرك...يالوليد.....
الم........الم.......ا لم
الم في راسه...لف راسه يمين وشمال...وده يفتح عيونه...بس ثقيله ...واخيرا ..فتحها.....
يناظر يبغى يذكر ....
مرت الاحداث متعاقبه
ابوه جاه ..وطلبه يرجع معه.....وهم في السياره.........السيار ه؟؟وتذكر بلحظه.....كل شي
التفت يدور زر الي جنب السرير..الآ بدخلة الدكتور ..ومعه ..طلال.
.الدكتور"صباح الخير..اخيرا فقت..دنت دوختنا"
طلال"حمدالله علا سلامتك يالوليد.."
الوليد"ابوي؟؟........ا خب.ا.ره؟"
"الدكتور" ارتاح انت دي الؤتي..."
الوليد بأصرار"دكتور..لو سمحت ابوي اخباره؟؟"
طلال"الوليد انت انسان مؤمن بقضاء الله وقدره.....الوالد يطلبك البيحه"
يعني الهم وراك وراك يالوليد..الظاهر ماللفرح في حياتك مكان.......ونعم بالله
الوليد"انالله وإنااليه راجعون...طيب علمتوا اخواني؟؟"
التفت الدكتور علا طلال وقال"الوالد توفى من شهرين .....وانت كنت.غايب عن الوعي..بين الحياة والموت .... بس ربك كريم"
الوليد"لاحول ولاقوة إلابالله"
.......
مر اسبوع...علا الوليد....في المستشفى...طبعا رجع طلال بأمر من اخوه ..وخلال الاسبوع زاروه عمانه يتحمدون له بالسلامه....وماقصروا معه
&&&&&&
الدكتور"هذا قضاء الله وقدره "
الوليد"طيب يادكتور مافيه امل؟"
الدكتور"رجلك ممكن بعمليه بسيطه بعد مايبرى الجرح...اما.....طبعا ...
الامل في الله كبير ...بس حالة العقم ..لاتتأمل كثير الضربه كانت قويه علا ظهرك"
مسك..العصى الي يرتكز عليها.......ووقف..".طي ب يعطيك العافيه يادكتور"
الدكتور"العفو هذا واجبنا
ورجع...يسأل نفسه....وشلون .؟؟؟وشلون
وشلون ..عرف سلطان...؟؟سؤال..حير..ا لوليد...
هو... العزا ماحضره....واكيد...ان اخوه سأل..يوم عرف..عن الوالد...
قطع اكاره دقه علا الباب....
"دق..دق"
الوليد"ادخل"
ام سلطان"الوليد؟؟انت مارحت لين الحين..والله اني اظنك..سلطان..وش فيك..؟؟ياوليدي باين عليك ضايق.."
الوليدمازال متأثرمن الي دار بينه وبين اخوه...قام حب راس مرت ابوه..الوليد"ابد ..ياخاله ..مافيه ..الآ..كل خير..بس الشغل كاثر هالايام" ...
ام سلطان ..عارفه انه مستحيل يتكلم وهاذي حاله من جاهم .كل شي يكتمه..ولا يعلم عن الي في قلبه..قالت له..."ارتاح يالوليد.العمر ينتهي والشغل ماينتهي.."
"الوليد"
"لا تشيلين همي ..يالغاليه...تراني قدها وقدود"
..يتكلم وسؤال واحد يرن في باله..اقول خاله...
.ام سلطان "سم ياولدي"
الوليد"سم الله عدوس ياخاله ..انا سامع من عمي ان سلطان خاطب..وسكت مايبيي خالته تحس بأهتمامه..اقبلت ام سلطان وجلست قباله...
ام سلطان"ايه والله خاطبين له بنت ابو سعد..الي عندكم يشتغل في الشركه.."قطب الوليد حواجبه..يتذكر..بس ماذكره"
يافضيحتك ..ياسلطان..عز الله انك فضحتنا.....
ام سلطان"ابوك الله يرحمه..كان ناوي يزوجهم قبل لا يموت...بس حكم ربك سبق..وبيني وبينك...اخوك الى الحين احس انه ماش...واخاف يفشلنا بالناس..والبنت..هاذي.. ابوك كان يغليها..وهو الي مسميها"
الوليد يغلي من داخله..امحق بنت...زاد حقده عليها...معقوله توصل فيها الوقاحه..وتسلم نفسها لسلطان..كل هذا ثقه..وين دينها..وين خوفها.... الله يخسك..ياسلطان ..لكن ماعليه....هين !!!
ام سلطان"الوليد..الوليد.. وين رحت"
الوليد"هاه سهيت..شوي..اقول ..وشرايس ياخاله انا نويت اتمم ..هالزواج...قريب..."
ام سلطان "ايه والله ..ياريت..الفرح فارقنا ..من بعد فراق..ابوك....الله..ير ..حمه"
الوليد"افا ياخاله ..تبكين ..وانا موجود.."
ام سلطان "انت الخير والبركه ..ويشهد الله ان ..قلبي يحبك"
الوليد"حبتس العافيه"
ام سلطان"طيب قلت لسلطان"
الوليد بلهجه واثقه"سلطان خليه..علي"
ام سلطان"الله يتمم..على خير"وسكتت وفي عيونها سؤال..
الوليد"خير ياخاله..شكل عندس شي ن..تقولينه"
ام سلطان"مشالله عليك ..فطين..ماشي ن يفوتك"
الوليد"هههههه..طيب وشو..احكي وعليس الامان"
ام سلطان"اقول ياوليدي ..ماودك ..نخلي الفرحه ..فرحتين....".وسكتت ..تشوف رد فعله
جمد وجه الوليد..لان هذا الموضوع..شايله من راسه ..نهائيا.....الوليد"لي ه اجل ياخاله ..مليتي مني؟؟"
ام سلطان..خايفه..حست انها تدخلت شوي"لا والله بس ودنا..نفرح فيك ..ياولد الغالي ..ونشوف ..عيالك"
ملامح الوليد ..جمدت...وناظر الارض...عشان مرت ابوه ماتحس..بأنها جابتها علا الجرح
ام سلطان"هاااه يالوليد..وش رايك"
الوليد...بصوت..مزوح"اي وه..ومين انتو.."
ام سلطان"ههههههههههههههه. .والله ..طالع علا ابوك ..مايفوتك...شي...انا وامك نوره.... يالله يالوليد..تكفى ياامك..وافق...وترى العروس...موجوده....."
الوليد"ومين هي؟؟؟؟؟"
ام سلطان..فرحت ..وقالت.."بنت عمتك حصه"
الوليد"والله يالغاليه ماودي اكسر بخاطركم بس...انا هالموضوع..بالذات مافكر فيه الحين.."
ام سلطان "ليه ؟؟؟؟؟..الله يهديك.."
الوليد بلهجه..حازمه..عشان ينهي الموضوع...."اقول ياخاله..اليوم ..الجمعه ..وين.؟؟؟.."
ام سلطان "انا داريه تصرفني....لكن ماعليه..والجمعه..عند امك نوره..."
الوليد"ههههه..اكتملت.. الله يعيني ..اليوم.."
ام سلطان"هههههه.....عاد وش بيفكك..من امي نوره"
الوليد"الحين انتو افرحو ...بسلطان .."
ام سلطان"...ماعليييي...
قطعهم..دق الباب.....الوليد"ادخل"
الخادمه
ستي"مدام..ماما نوره..في تليفون..إبغى ضروري"
ام سلطان"اخيرا..نطقتي ..عربي..وخلني اشوفس..ترطنين مره ثانيه لاكلمتيني"
الوليد..ابتسم.."اووووو ه ..روحي ياخاله..اكيد عندها شي ضروري"
ام سلطان راحت وهي عارفه..خالتها وش تبي
&&&&&
ام سلطان "هلا والله بنور عيون الكل"
امي نوره"اها..عن التصريف..هاه وش سويتي..مع الوليد"
ام سلطان" الله يهداس ...علا طول الوليد..قولي وش لونكم ..وشخباركم.."
امي نوره"ماقولس انا لا تصرفين"
ام سلطان "طيب ..طيب..ابشرس فيه عرس قريب"
امي نوره"لآ.. الله يبشرس بالخير..يالله مع السلا مه خليني اكلم حصه"
ام سلطان"لحظه ..لحظه ياخاله..مب الوليد الي بيعرس .."
امي نوره"وشو؟؟؟؟؟؟؟؟؟...اج ل مينهو انشالله"
ام سلطان"سلطان..وليدي"
امي نوره"اقول مالت عليس انتي وولدس..قايلتن لس..هالولد مايلعب عليه"
ام سلطان متعوده علا اسلوب خالتها وهذا ..الي محببها فيها..
"والله ياخالتي مدري وشلون قلبهاعلينا"
"إييييييييييه..ماعليه. .يالوليد..مصيري بزوجك...المهم لا تتأخرون علينا..اليوم..زي المره الي راحت ..ان جيتوني متأخرين انتي وعيالس..مانيب..مدخلتكم .."
ام سلطان "لا انشالله..بنجي بدري..قبل الكل ,,هاه..وش تآمرين عليه بعد"
امي نوره.."مايامر عليس عدو..يالله فمان الله"
ام سلطان "فمان الله"
&&&&&&&&&&
"غاده...غاده.."
غاده...تنزل من الدرج وعيونها يالله تفكها من النوم..."سم ..سم..يابوسعد"
ابو سعد"وينكم..فيه..وش هالنوم ذا"
غاده"والله تعبانه يابو سعد..اليوم من بدري وانا قايمه ..اكرف في ذا البيت..يوم جت الساعه..12..ماتحملت..ا نسدحت..وغفيت"
ابوسعد"ليه ونجلا..وينها..ماتساعدس "
الله ياخذها ذا النجلا..وقالت بصوت مكسور..
"والله انا يابو سعد ماحب اغصب عليها..بس قلتلها..اقعدي لا تسوين أي شي بس انتبهي ..لناصر..سفهتني ..وخلته يلعب بالحمام...
ابو سعد"نجلا.......نجللللل لللا"
غاده "لا خلاص ..بنتك قويه..ومنت قادر عليها..وش بيفكني منها بعدين"
هي في داخلها عارفه ان هالكلام بينرفزه اكثر...
&&&
نجلا..سمعت ..ضراخ..ابوها..وهي...ف ي غرفتها...توها تريح..من شغل ..البيت....فزت بسرعه......مثل البرق..
نجلا "سم يبه فيه شي....."مسك شعرها ..ورج..راسها..لين...قا ل بس.....
ابو سعد"انتي وتاليتها معس ..طفشتيني...زهقتيني... ..والكف ورا الثاني
نجلا بصوت يقطع القلب"وش.. ف..ي..ه يبه"
وهو يضربها مسك عقاله.."ورى يو م قالت لس خالتس ساعديني عيتي ..لا ونايمه..بعد..ويضرب...
نجلا"يبه..الله..يخليك. .عطني فرصه"
ابو سعد"ليه عشان تكذبين...!!!.."
نجلا"والله يبه ..اني قايمه من الصبح اشتغل....."
غاده..ودموع التماسيح..في عيونها
"حرام عليس ..يانجلا..لا تكذبين.."
نجلا وهي تصارخ"لا ...انا يبه مااكذب ..هي الي قالتلي ..اذلفي ارتاحي...."
ابوسعد"وتصرخين .بعد..ونزل عقاله..وجرها..معاه.."و اخوس لعب بالمويه ولا لأ.."
نجلا"لعب بس..مو زي منت متصور ..يبه تكفى أسمعني...تترجاه..وهي عارفه ..قسوة قلبه......جرها ودخلها الملحق..وهو جارها ورايح..
غاده"خلاص يابو سعد..سامحها..هالمره..س فيهه..مدري مين جاذبها"
نجلا..دموعها..وعبراتها ..تهل..
"آآآآآآآآآآآه ...امي... لا تجبين... طاريها..."
غاده "شفت ..شفت ..يابو..سعد..الله يسامحس.."
..سحبها..وضربها بالعقال...وضرب وضرب...وهي تتلوى..وتصيح..
ابوسعد"شوفي عاد المره هاذي سلمتي ..لكن المره الجاييه...والله..والله ..لشب فيس..واحرق هالوجه..الي من شفته...وانا منكوب...".......وطلع وقفل عليها الباب.......
الم.........الم..جسمي كله الم........جسمي كله الم..........وينك ياسعد..........وينك؟؟
مقدر اتحمل......مقدر اتحمل.......كل جسمها رضوض..
.كل شي..ن......فيها..يصرخ. ..آآآآآآآآآآآآآآآآآآآآ آآآآآه ....ياربي ..ارحمني...ياربي..ياحب يبي........ارحمني..... ...يار بي...انا...ماعاد..فيني ...صبر........حتى الصبر فيني ذبحوه.......يااااااااا ربي....خذني....من هالدنيا......وريحني... ....."..شوي....حست ...بشي ..يشل ...جسمها.....وابتسمت.. ..هذا الموت ....يانجلا ...ربس....استجاب للدعا........وانعدم الاحساس...حتى الالم........مافي الم......
&&&&&&&&&&&&&&&&&&&&&& &&&&&

غاده..دخلت علا نجلا .."يعني نايمه؟؟اقول يالله قومي ياشينة الحلايا..نجلا...نجلا.. .بنت؟...انجيله ووجع"قالتها وهي ترفسها..برجولها...ياوي لي البنت ...ماتحرك"
غاده"يابوسعععععععععععد ...الحق نجلا ماترد علي"
"ابوسععععععععد ...."
ابو سعد..ينزل من الدرج...الله يرجس من مره ...
"خير انشالله الواحد مايرتاح ..يعني ...وش سوت بعد......المره هاذي ذابحها ذابحها"
غاده"نجلا ماترد مدري وش فيها؟؟"
ابوسعد"روحي هاتي عبايتها....بسرعه"..
بسرعه جابت غاده العبايه....وطلع ابوسعد يودي بنته المستشفى....
غاده "الله ...يستر.."
&&&&
ابو سعد"هاه يادكتور...بشر"
الدكتور يناظر ابو سعد..وقال بشك"هاذي بنتك؟؟"
ابوسعد"ايه يادكتور..ليه وش صار لها."
الدكتور"ممكن اعرف ايش سبب الرضوض الي فيها ..لان لو كانت بفعل فاعل..راح اضطر ابلغ الشرطه!!"..
ابو سعد"لا يادكتور وش دعوه..طاحت من الدرجه.."
الدكتور"يااخ..
ابوسعد"ابوسعدمعك"
الدكتور"يابوسعد..هاذي مو اثار طيحة درج..هاذي آثار ضرب.."
"رن...رن...رن.."
ابوسعد"دقايق..يادكتور"
طلع الجوال ..رقم غريب..رد..بسرعه عشان يتهرب من استجواب الدكتور..وش هالمصيبه..الي طاحت عليه...طول عمرها ذا البنت هم..."الو"
الوليد"السلام عليكم ورحمة الله وبركاتو"
ابو سعد"وعليكم السلام"
الوليد"معك الوليد بن محمد العويضه .."
ارتبك ابوسعد هذا ولد ابو سلطان ..جا في وقته هو الي بيطلعني..من هالورطه
ابوسعد"والنعم فيك طال عمرك ."
الوليد"اخبارك يا عم..بو سعد"
اييييه دام فيها ..عم..خلني ادخل في الموضوع علا طول
ابو سعد"والله اخباري لا تسر عدو ولا حبيب..يا طويل العمر"
الوليد"افا ياعم.. ..وش ذا العلم"
ابوسعد"ايه والله ..ونا عمك..انا في المستشفى..وفي ورطه ..لو ابو سلطان عايش ماتركني"تحركت شهامة الوليد...وفز من مكانه..وهو يتسآئل...........
..لايكون درى..بالي سواه سلطان
الوليد"انت بأي مستشفى ..ياعمي ..وانا مسافة الطريق واكون عندك"..ابو سعد علمه مكانه..وهو مبسوط..
التفت ابو سعد للدكتوروناظره..بتكبر"ا نا ماتكلم..معك..لين يجي..نسيبي..."
الدكتور باستغراب"ونسيبك وش بيسوي..اذا ثبت ان البنت مضروبه..لازم القانون ياخذ مجراه"
مشى ابو سعد..عنه...حتى ..نجلا ماسأل عنها....
الوليد...كان ناوي ياخذ منه موعد..عشان ..يحددون ..يوم يزوروهم ..مع عمانه..الله يسود وجهك ياسلطان...اكيد الرجال الحين الدنيا مسوده في وجهه...
وصل الوليد ....
الوليد"الو ..ياعم انا وصلت ..انت أي غرفه"
ابو سعد"جايك..ياولدي جايك"
استغرب ..الوليد...
ابوسعد"السلام عليكم ياطويل العمر.."
التفت الوليد"هلا والله..خير ياعم وش صاير"
ابوسعد"ابد ياطويل العمر...البنت الله يسلمك طاحت من الدرج..وجاها رضوض..والدكتور يقول لازم نبلغ الشرطه..وانا ياطويل العمر رجال..كبير في السن.. يرضيك علا آخر عمري..اتجرجر بالشرطه "
الوليد"انت ارتاح ومايسير خاطرك الا طيب"
ابو سعد"بس الدكتور الي اشرف عليها..يقول بيبلغ.."
الوليد"انا بروح له بس هو وش اسمه"
ابوسعد"بروح معك ..ماني قادر ارتاح..لين اطمن"
&&&&&
الوليد"لو سمحت ابي اقابل الدكتور علي الشهراني"
الاستقبال"تفضل اخوي من هينا"
"دق ..دق"
الدكتور "تفضل"
الوليد"السلام عليكم يا دكتور"
دخل الوليد ووراه ابوسعد واول ماشاف الدكتور..رز نفسه
الوليد"خير يادكتور بشر عن حالة بنت ابو سعد"
الدكتور "انت زوجها؟؟"
الوليد..الله لا يقوله.."لا يادكتور .."
الدكتور "اجل ممكن اعرف ..وش تقربلها بالضبط"التفت الدكتور لبو سعد وكمل"لان ابو سعد ..قال ماراح اتكلم ..الا بحضور نسيبي"
الوليد..بصوت جازم..افيه شك.."وانا بمثابة..نسيبه..يادكتور لان المريضه..مدام اخوي المستقبليه.."ابو سعد طير عيونه..وارتبك ..من الفرحه..
الدكتور"والله البنت ..حالها مايسر..الرضوض والظربات ماليه..جسمها...هذا غير الالم النفسي....."
الوليد..اكيد ابوها مسك عليها شي والعياذ بالله..أأأأأأأأأأأأأأأ اخ ياسلطان لو ماعبثت معها ...كان قدرت اتصرف...مرغت وجهي بالتراب....
الوليد"بس الشرطه يادكتور ..بتسبب مشاكل لنا مالها اول..ولاتالي..واحنا نبي نضيق علا الموضوع..
وانا اوعدك ا ن الي حصل مايتكرر"
قالها وهو يناظر ابو سعد..
الدكتور.."والله ..انا..ودي ان الامر مايتكرر..بس..يااخ؟..ما تشرفنا يااخ؟"
الوليد"معك الوليد بن محمد العويضه"
فتح الدكتور ..عيونه عاالآخر...الفرق بين ذاالرجال ..وهالشايب ..كبير..وباين انه..ولد كباريه.و..الاسم هذا مين مايعرفه...بس وش خلاهم يناسبون ذا الرجال المتخلف..الي حتى بنته ماسأل عنها.....
الدكتور "انشالله ...طال عمرك..انه مايتكرر..بس زي ماقلت ..البنت متأثره نفسيا..وتحتاج لراحه..تامه..وانا اليوم مااقدر اكتبلها خروج..لازم تنويم ..كم يوم....."
الوليد"مشكور يادكتور..بس انا ابي انقلها علا مسؤليتي ..."
الدكتور "الخاص ..طال عمرك ماراح يسويلها اكثر من الي سويناه"
الوليد"معلوم يادكتور بس عشان يطمن الوالد اكثر"
الدكتور "خلاص ..ساعة زمان نخلص اجرائتها..ونكتب لها خروج..بس علا مسؤليتكم"
ابو سعد"ماعليه يادكتور انشالله مافيها الاالعافيه ..دلع بنات..بس"
الكتور ناظر ابو سعد..ببرود
الوليد"بس يادكتور احنا نبي سيارة اسعاف تنقلها"
الدكتور والله ودي اخدمك ..بس هذا خارج نطاق صلاحياتي"
الوليد"من المسؤل"
&&&
انهى الوليد كل الاجرائات اللازمه..لنقل نجلا
ابوسعد "مشكور طال عمرك ماقصرت..رح الله يستر عليك دنيا وآخره"
الوليد"هذا اقل شي ممكن اسويه"
كثير اسئله في عيون الوليد..بس صعب السؤال..وعيب وش بيقول عنه ابوسعد........ياترى وش الي خلاك تمد يدك علا بنتك.....اكيد مامدها الا لشي كايد.......مااقول الاالله يهديك ياسلطان.....لازم يتأدب ويصلح غلطته مع بنت الناس...
&&&&
شي واحد هو الي اكد للوليد شكوكه......كلمة ابو سعد..."رح الله يستر عليك"
&&&&&&&&


الجزء الثاني

الفصل الاول


الجوهره-يعني وشلون..ماني رايحه
والله..حاله..وش ذا الطفش...
دلال-ياشيخه..خلنا نروح..السوق نوسع صدورنا..وخلس من جمعة..خوالس..
الجوهره-وش سوقه انتي بعد!!ياربييييييييه..ال يوم اكيد الوليد..بيجي..
دلال-اسكتي لحد يسمعس ياالهبلى..انتي صاحيه..والله لو يسمعس عمي ناصر مايحصلس خير..
الجوهره-ليه انشالله..هذا حب حلال..ياغبيه
دلال -اسكتي الله يرجس..وناظرت الجوهره بطرف عينها..وهان عليس تنسين ..حمدان
الجوهره-وش جاب الثرى للثريا..يالفاغره
دلال-اسمعي صوت عبير اكيد جت ..اقعدي بس خلينا نوسع صدورنا ..ولا اقولس خلنا نروح الفيصليه..
الجوهره-الحين انا جمعتهم الي راحت مارحت يعني لي اسبوعين ماشفت امي..
دلال –هههههههههههههه ايه كثري منها مشتاقه لامس ولا؟؟؟؟
الجوهره-ياحبيبتي الوقت يمضي كالسيف ان لم تقطعه قطعك..وانا لازم اكسب الوقت..واخليه يلتفت لي
دلال-والله شكله ماعنده نيه يلتفت لس اولغيرس
الجوهره-الا انا ..راح يلتفتلي ويحبني بعد..وبيني وبينس امي نوره وامي ودهم بعد
دخلت عليهم عبير وهنا
عبير –مالو القمر زعلان ماله؟؟؟ليه ليه الجوهره زعلانه؟؟
هنا-اكيد يوم شافتنا
الجوهره بترد ودق جوالها
الجوهره –هلا رنا
رنا –اول السلام بعدين السؤال
الجوهره-والله نفسي مسدوده...امي هيا عيت تخليني اجيكم
رنا –للللللللللللللللللللل للا..تكفين لازم اليوم تجين ..انتي نسيتي الي اتفقنا عليه
الجوهره –انا انسى؟؟؟؟؟؟؟طول الاسبوع وانا استنى الجمعه هاذي
رنا-اليوم نقدر نحجرله...بس المرات الجايه..يمكن مانمسكه...تعرفين هو نادر مايفضى
الجوهره-يالبىىىىىىىى..قلبه..عق بال مااجي واشيل عنه الحمل
رنا-آآآآآآآآآآآآآآآآآآآآآآ آآآمين............طيب تبين اخلي عمتي تكلمها
الجوهره-ايه تكفين لاني ادق على امي ماترد
رنا-بقولها....واخبار البنات؟
الجوهره-هاذاهم هينا يحايلوني اقعد
عبير وهنا ودلال يناظرونها..ويضحكون علا حرتها
عبير-ههههههههههه لا لا ياامي روحي مانبي ناس مكشرين......نبغى ناس يوسعون صدورنا
سكرت الجوهره- يارب يييييييييييارب اروح....
هنا-ياالله تحبينه كل هالحب؟؟؟؟؟؟؟؟
دلال-تحبه وبس انتي ماتشوفينها...متغيره... .شوي وتاكلنا
الجوهره-ييييييييييييييوووه لحد يكلمني ولحد يعلق علي !!!!!!!!!!
هنا وعبير ودلال-ههههههههههههههههههههه. ..خلاص خلاص...توبه....يالله يارب اليوم تروحين عند الحبيب
الجوهره-ايوه اذا كان كيذا تكلموا
&&&&&&&&
ام سلطان –يابنات...يابنات....يا لله اجهزوا......مانبي نتأخر
رنا-خلاص خلصنا....بس يمه بقولس شي
ام سلطان- هاه وش عندس اوجزي
رنا- يمه جدة الجوهره عيت تخليها تجي
ام سلطان- وراه الله يهديها الاسبوع الي راح ماشفناها..
سمر-يالله يمه انا خالصه...وش فيكم ماتردون؟؟؟......اكيد.. .فيه موضوع خطير!!!!!
رنا –ياشين اللقافه.!!!!
سمر-يمه شوفيها!!
ام سلطان-هذا وقته...والتفتت تكلم رنا...وطيب وش تبيني اسوي يعني؟؟
رنا –ههههههههههه ضحكتيني يمه..قولي وش الي ماتقدرين تسوينه...يمه كلمي امي نوره وقوليلها...وهي اكيد بتكلم جدة الجوهره.....ولا تقولين ورا ما تكلم هي لانها كلمتهم وتليفونهم مشغول.....
سمر-وليه مشتاقه هالكثر..دايما جمعاتنا ماتجيها....وناظرت اختها بطرف عين......ماصارت تجي الا يوم سكن الوليد في الرياض
ام سلطان-بنت استحي على وجهس وبلا كلام فاضي...وبعدين ورا مالبستي عبايتس
رنا-سمعتي امي ؟؟يالله روحي البسي
سمر-بلبس..بس لاتحسبوني بزر وماعرف شي ...
ام سلطان-روحوا عن وجهي كلكم....
رنا-يممممممممممممه ..والجوهره
ام سلطان-ياذا الجوهره....بكلم جدتس بالسياره
ابتسمت رنا فرحانه ....لانها كانت تتمنى ان بنت عمتها حصه تسير مرت اخوها......دايما رنا كانت معجبه في بنت عمتها لدرجة انها تقلدها وتقتدي فيها والجوهره مو ملقيتها بال....بالعكس كانت لاهيه بحياتها عند جدانها لان ابوها الله يرحمه توفى ومن توفى تمت سنه عند امها...بس امها تقدملها عريس ووافقت عليه....ومارضوا اهل زوجها ان بنتهم تعيش عند رجآل غريب عشان كيذى خذوها عندهم....
|
|
في قصر الجد...الله يرحمه(الوليد بن محمد)
ضغطت امي نوره علا زر الخدمه الي بجنبها
امي نوره-كانو......كانو.....شبي جمر...
.دخلت ساره علا امها
ساره-وش تبي ام سلطان
امي نوره-ام سلطان اليوم...ماش ماعجبتني...
ساره-ليه عسى ماشر
امي نوره-انا ادري كل الاخبار الي جابتها اليوم ...ماهيب علا الكيف
ساره..عرفت قصد امها لان لها كم شهر وهي مع حصه يخطوطون.....علا انهم يزوجون الجوهره...للوليد...
ساره-يايمه...اذا كان علا موضوع الوليد......بصراحه.... .احنا ودنا بس مانقدر نجبره
امي نوره-ليه والجوهره فيها عيب عشان نجبره عليها ...زين ودلال...وعقل
ساره-هههههههههههههههه....ام ا عقل كثري منها
امي نوره-البنت تأثرت من بعد امها...وهناك محد قريب منها.ومايعرف للبنت الا امها ...وان كانت مرجوجه الوليد اصلح واحد لها
دخلت حنان...-السلام عليكم
امي نوره وساره_وعليكم السلام ورحمة الله وبركاته
امي نوره-تعالي ياحبيبتي..دقيلي علا رقم ام ناصر
حنان-وانا اقول وش هالدلع..ماهوب لله
امي نوره_الا قبلي ادلعس..يالله تعالي ولا بخلي سارونه تدق..
حنان_خليها تدق ..انا اليوم مبسوطه ماودي اعكر يومي بسماع اخبار بنت اختي المصون
امي نوره بزعل_ليه ماتبين تسمعين اخبارها ..؟؟هاذي الغاليه..
ساره_يمه لا تواخذينها..تمزح..
امي نوره_الا ازعل عليها مب بزر هي
حنان_يارببه يمه امزح خلاص ...ياحبيلي للجوهره اموت انا عليها
امي نوره _تستغبيني انتي!!
حنان_لا والله وعشان ارضيس بروح المطبخ اسوي الحلا..اليوم مشتهيه اذوكم من يدي جعلكم ماتعدمونها
امي نوره_ساره عطيني رقم اقرب اسعاف
ساره وحنان بخوف _ليه يمه فيس شي؟؟؟؟
امي نوره_لا بس بغيت سيارات الاسعاف توقف عند الباب عشان لا كلو عيالي الحلا وتعبوا
ساره تكلم حنان_ههههههههههههههههه هههههههههههههههه وش يفكس من امس الحين
حنان_احمدوا ربكم ..تدرين هونت خلي طباخكم ..المعتبر يسويلكم حلوياته الي مدري من أي ديره جايبها..وطلعت وهي تخربط في الكلام اليم افهموا منه ولا شي
امي نوره_الله يصلحها هالبنت ..مدري وراها علا الجوهره
ساره_يمه انتي تدلعين الجوهره بزود ..وناسيه ان حنان والجوهره بنفس العمر..اكيد بتغار!!
امي نوره_الله يهديها والله اني احبهم كلهم حبن واحد بس اني ارحم الجوهره ,,حبيبتي بعيده عن امها وعنا..يالله دقي علا ام ناصر بسرعه خلني اقنعها تخليها تجي
ساره_انشالله يمه

|
|
ساره قلت لامها بعد ما سكرت الجوال من ام ناصر-هاه وافقت
امي نوره-ام ناصر اصيله ماتردلي طلب...
ساره –طب من اول كان وافقت
امي نوره_الله يهديها ذا البنت ....تقول جدتها انها تبي تعاقبها....آآآه لو الوليد يطيعنا ويجيب بنيتنا عندنا
ساره – الي في الكون بيكون...ولو انه من نصيبها بتاخذه..
&&&&&
رن......رن.....رن..... ..رن
نصوري_ا الو
سعد_هلا نصوري هلا حبيبي..كيف حالك؟؟
نصوري_انا طيب..انت وينك ..تجيب حلاوه؟؟
سعد_اذا ناديت نجلا اجيب حلاوه..
نصوري بيرد...وسحبت غاده التليفون
غاده- خير يا طير؟؟؟...ماقلت لك لا عاد تدق؟؟
سعد يحاول يمسك اعصابه- وين نجلا يا ام ناصر
غاده_والله ..نجلا مو فاضيه...عندها شغل..وكم مره قلتلك...لاعاد تدق..
سعد_مو انتي الي تعلميني ..ادق ولا مادق
غاده_شين وقوي عين..وسكرت السماعه..في وجهه
|
|
احمد_علامك يا سعد من سكرت من المكالمه ..وانت متكدر كالعاده..كلمت نجلا؟؟..فيها شي؟؟
سعد_لا والله ما كلنمتها من طلعت.........لي 4شهور..وانا خايف عليها وشايل همها وانا خوك..
احمد_الحين انت رتبت امورك وخذت شقه وأثثتها..مو عشان تجيبها؟؟خلاص جبها وطمن بالك
سعد_ياليت هالموضوع بالساهل..المشكله اني ما سممعت صوتها من ذاك اليوم..وانا عارف ومتأكد ان مرت الوالد توريها الويل..وياليته علا كيذا حتى الوالد..احياننا مايرحم..والي قاهرني..ان اختي تغيرت..موب الي اعرفها..صارت مكسوره..مغبونه..الي اعرفها غير...نجلا..الي كبرت معها يوم بيوم..فرفوشه..الضحكه ماتفارقها..ولا العناد..ياما سبب بينا خلافات..وكنت بكسر راسها عليه...والحين اتمناه..لسانها ...
احمد- تعلمني ..اعرفها..كان لسانهها يوصل للشارع لما تهاوش مع شيخه ...
سعد- شفت..هذا كله اختفى ..من بعد ماجاب ابوي..مرته..والله يا احمد..انا عشانها تحملت..الضيم..لين ماسار الي سار..واحتديت..اطلع...
احمد-الله لا يجزاها خير ..مرت ابوك حتى احنا منعتنا من زيارتها..
سعد_اقول احمد؟؟
احمد_سم ياخوي؟؟
سعد_تصدق اناالي سمعته عن سلطان ولد العويضه ماعجبني..
احمد_ههههههههههههههههه ههه .....ومين ماسمع عنه..هذا محطم قلوب العذارى زي مايقولون..الا لي لحين ابوك مصر يزوج نجلا له
سعد بغضب_علا جثتي..نجلا الي ياخذها..لازم يعرف انه ملك دانه من الدانات..والماسه بعد
احمد_وابوك..؟؟وش راح تسوي معه؟؟
سعد_وهذا الموضوع الي شاغلني الحين...بصراحه.....انا ودي آخذها معي للدوره الي بروح لها..تعرف بطول فيها..وماراح يهدالي بال الا لما تكون معي.....لكن المشكله في ابوي ..لاني اذا خذتها بقدر اطلعها من الهم الي هي فيه..والهي ابوي عن سالفة .سلطان ..شوي..والحين ابي طريقه عشان اقدر اكلمها واسمع صوتها واطمن
احمد_خلها علا ربك الا ماتلقى طريقه
سعد_ونعم بالله
&&&&&
ابو سعد دخل البيت ..وقعد في الصاله..وجته غاده..
غاده_ هاه ياابو ابو سعد..وش صار
ابو سعد مو مع الناس يفكر
غاده_ابو سعد!!..
ابو سعد التفت _نعم وش عندس؟؟
غاده_ أسألك عن نجلا؟؟وتقول وش عندس
ابو سعد_ما فيها الا العافيه..لا وبعد شكلنا بنزفها لبيتها قريب
غاده بقهر ماتبيه يبين_وششششششششششو؟؟
ابو سعد_ايه الي سمعتيه................ ..وعلمها بالي صار
غاده_وطيب..وشلون...؟؟؟ ليه ؟؟الحين بالذات..؟؟وش الي خلاهم يختارون الوقت هذا ؟؟؟؟؟
ابو سعد_ياكثر اسئلتس...كلمه وقلتها لازم تعرفين كل شي بالتفصيل؟؟
غاده _خلاص لا تعصب انا قصدي انها ..توها صغيره..وماتدبر شي
ابو سعد_لا صغيره ولا شي بعدين اذا تزوجت سلطان راح تتمرغ بالعز ويمكن تعيش اميرة بعد
غاده بحقد مخفي_عاد انا اعرفها بتروح عنا وتنسى فضلك عليها..ويمكن تنسى ان لها اهل بعد
ابو سعد_ايه زين حتى لو نست اذكرها..روحي جيبيلي قهوه راسي موجعني من قل النوم
غاده_طيب ..
ياحظها هالبنت ..كل شي في صالحها..يوووووووه..يان ي مقهوره
&&
|
في مجمع فلل ابو نصر وعياله..وخصوصا فيلا..ابو ناصر
ام ناصر_ابتهال روحي نادي الجوهره..من غرفتها
ابتهال _انشالله ..يمه هيا
|||
دخلت ابتهال علا الجوهره والبنات ..ووجهت كلامها للجوهره..
ابتهال_الجوهره روحي لاامي هيا تبغاس تحت
الجوهره ببسمة انتصار_طيب ياروحي الحين بنزل
عبير_هههههههه خلاص انبسطي؟؟
دلال _يالله عطينا ..اتعابنا ..ترانا دعينا..لين بحت حلوقنا
الجوهره..رمت الفرشه الي كانت تمشط فيها.._.اذا سار الي في بالي ابشروا بالحلاوه..وراحت وهي فرحانه مررررررره..وشلون ماتفرح وهي بتقابل فارس احلامها
الجوهره..ببراءه_سمي ماما هيا بغيتي شي؟؟
ام ناصر_الحين انتي تدرين انس معاقبه ليه تدقين علا جدتس وتقولين لها اني انا الي رافضه تروحين لهم؟؟
الجوهره بنبرة حزن مصطنع_ايييه معليه لو ابوي ايش محد عاقبني...هي تعرف ان الكلام هذا بيحنن قلب جدتها
ام ناصر بحنيه_يا حبيبتي جدس لما عاقبس من خوفه عليس يا بنيتي مو كره ..يالله عاد ترنا شلنا عنس الحصار..وبيوديس السواق مع ماريتا..
الجوهره ركضت من الفرحه تحضن جدتها وتبوس راسها.._الله لا يحرمني منس يااحلى جده في الوجود
ام ناصر_والله ماضيعني الا حركاتس ذي
الجوهره_ههههه بس فيه طلب صغير..تكفين يا ماما وافقي عليه؟؟
ام ناصر _وانا اقدر ارفض لس طلب؟وش تبين؟؟
الجوهره_ابغى اخلي السواق يوديني بسيارتي..مابي سيارته
ام ناصر _بس؟؟ ابشري..خذيها ولا تتأخرين لين الصبح ..ترى منا ناقصين وجع راس مع عمس ناصر
الجوهره_سمعا وطاعه يا اروع جده في الوجود
وقفزت من الفرحه..ياحظي بشوفك يالوليد...
|||
دخلت عليهم ومن الفرحه شوي وتشيل الباب معها
دلال _شوي شوي بغيتي طيرينا
عبير_ههههههههههههههههه هههههههه تلومينها ؟؟تلقينها نستنا
الجوهره مرتبكه وبسرعه راحت لدولاب ملابسها محتاره وش تلبس
هنا_ماتبين مساعده؟؟
دلال _يا عمه تراس بتقابلين البنااااااااااااااااات مو حبيب القلب..عادي البسي أي شي
الجوهره بغنج ساحر_وش ادراس يمكن يشوفني ..وانا ماشيه ولا قاعده
عبير.._الله يستر من الي ناويته..بس انتبهي ترى ان كان الوليد رجآل من جد ..ماراح يرضى انس ترزرزين..عند البيبان
الجوهره تنرفزت_اقول ما كنس زودتيها..انا ادرى ماني بزر ولا هبلا..وترى ما اسمحلس الوليد سيد الرجاجيل وتاج راسهم بعد
عبير__طيب خلاص خلاص الواحد مايمزح
دلال _يوووووووووووووووووه فكونا من النرفزه..وناظرت عبير تغمز لها..وتأشر اتركيها عنس
|||||||||
نهاية الفصل الاول











-

مشكووره يالغلااا لي عووده لقراائتهاا


<<<فيني النوم اخبربالحرووف خخ

مشكووره مقدماااا